ክፍሊ ዜናን ባህልን

ሰልፊ ዲሞክራሲ ህዝቢ ኤርትራ

27 ጥሪ 2010

ብ17 ጥሪ 2010፡ ስርዓት ኢሳያስ፡ ብርክት ዝበሉ ተቓማጦ ናይ’ዘን ኣስማተን ኣብ ታሕቲ

ተዘርዚሩ ዘሎ ዓድታት ኣኪቡ፡ ጋር ነብሲ ናይ’ቲ ቅድሚ 2 ዓመት፡ ኣብ መንጎ ከረንን

ዓርየታይን ኣውቶቡስ እናዘወረ እንከሎ ብመንነቶም ዘይተፈልጡ ሰባት ዝተቐትለ ኣውቲስታ

ክኸፍሉ ጠሊብዎም። ኣብ’ቲ ግዜ’ቲ ብጥርጣረ 5 ሰባት ኣሲሩ ምንባሩ ውን ኣብ መጽሔት

ድምጺ ህዝቢ ተሓቢሩ ምንባሩ ዝዝከር ኢዩ። ሓደ ካብኦም ሱሌማን ዑመር ኣልመዳይ፡ ወዲ

ገዲም ተጋዳላይ ተሓኤ ዝነበረ ዓብደላ ኣልመዳይ ኢዩ።

ኣብ ርእስ’ዚ፡ ስርዓት ኢሳያስ፡ ሱሌማን ዑመር ኣልመዳይን 4 ብጾትን ኣብ’ዚ ቀረባ እዋን

ኣብ ቅድሚ’ቲ ህዝቢ ብጥይት ክርሸኑ ከምዝተፈርዱ ነተን ተኣኪበን ዝነበራ ዓድታት

ኣፍሊጥወን ምህላዎም ምንጪታት ሰልፊ ዲሞክራሲ ህዝቢ ኤርትራ ካብ’ቲ ከባቢ ሓቢሮም።

እተን ኣብ’ቲ ኣኼባ ዝተሳተፋ ዓድታት ድማ፡ ደብር ኣቐል፡ ሰብ ዓድ ግርድ፡ ቃር ዖበል፡

ኣንመቕዓት፡ ፈርሕ፡ ፈንተክ፡ ፍልፍሊ፡ ኣርቂ ሙራ ኢየን።

ዓንሰባ  ዶት  ኮም  ምስ  ልሙድ  ኣረዳድኣ ዝጻረር ስነ- ጽሑፍ  ይኹን ርኢይቶ  ኣይቅበልን ፡ ን አብኡ ዝሰፍር  ስነ- ጽሑፍን ሪኢይቶን  ድማ   ብሓላፍነት ከም ዘይሕተት  የረጋግጽ :፡
ሕቶ ይኹን ሰነ- ጽሑፍ ናብ contact@ansaba.com ይስደድ
 
ዓንሰባ  ዶት  ኮም   ዝኾነ ናይ  በጻሕቱ  ብሑትነት   ይኹን ሓበሬታ  ይሕሉ።