ወለት ግእዝ ሴማይት                 

እም እንቲ ወልዳይት:                 

 

ሸረፍ እንቲ ወሕሽመት

ጅንስየት እንቲ ወዕቃመት:

 

ስራይ እንቲ እግል ዕዙር

ነዘር እንቲ እግል ዕዉር:

 

ስማዕ እንቲ እግል ጽሙም

ደዋ እንቲ እግል ሕሙም

ወንሳል እንቲ እግል ልጉም:

 

ዓቅል እንቲ ወዕልም

ምቅር እንቲ ወጥዕም:

 

በርሀት እንቲ ምን ጽልመት

ወራሐት እንቲ ምን ሀመት:

 

ጽጋብ እንቲ ምን ድብር

ወንእሽ እንቲ ምን እብር:

 

እግልሚ ነብሪ ዲብ መክዘን

ሰርጎ ዐድ እንቲ ወከደት:

 

ልባስ እንቲ እግል ዕሩቅ

ወርትዕ እንቲ ወሕቁቅ:

 

ህግያ እምዬ ይትበሬ

ተዐምብብ እግልዬ ወትፍሬ:

 

 

 

 

ህግያ እም ታ አስልየት

ምህሮ እብ ቀልብ ወንየት:

 

ህግያ ትግራይት ይእካልፍ

ሴፋ እንቲ እግል ታልፍ :

 

ሐቆ መጼአት ሕርየት

አስልየት እንቲ ወረስምየት:

 

ዕዛል እንቲ ምን ጸሐይ

ወከረም እንቲ ምን ሐጋይ:

 

ድፋዕ እንቲ ምን ዕድዋን

ምርወት እንቲ ወኤማን:

 

መክዘን እንቲ ምን ተረብ

ወሐዳሬት እንቲ ምን ሀረብ:

 

ትዕቤ ምስል ሐዋታ

ወትርከብ ክምሰል ሚራዳ:

 

አብያት ሚህሮ ነአስስ

ወቃዊ እግሉ ነአድርስ:

 

ህግያ ትግራይት ነአድርሳ

ወእግል ውላ ድና ነአውርሳ:

 

ሐራም እኮን ወዝልም

እግል ጅናካ ምን ተአልም:

 

ጄላ ጄላሉ ወሃ ረቢ

እብ ሸንሀት ሐዚ ጅንስየት ዓረቢ::

ሰላም ወዐሌኩም ውላድ ዐጄ ሰነት በዐል ኬር ወሰላም እግል ኩልና እብ ሕበር: ሰነት ሐቅና ዎ ዋጅብና ለእረክብ እታ እግል ትግባእ እግልና እተምኔ: ወምን እላ ወሐር እባ እላ ብእዬ ቀድሬት እብ አምር መክቱብ ትግራይት ዎ ንቃሽ ተጣውር እግል እሻርክ እትላ አወላይት ልእከቼ እግል ገለድ አቴ።        

ምን ማሕሙድ ክፍለገርጊስ